E no get wetin man no go see for dis life o! Chris Brown don ready to get pikin with Karrueche Tran? Chris don dey date dis karrueche babe for like 5years now, and no be say dem relationship dey go smooth o! e jus be like Naija road,. Today na to break up, tomoro na to join body agen. After every wen he don do the babe, naim yesterday, he take him own hand take post dis foto of him and the babe, com write say dem need to born dem pikin. For me, i go say make de babe neva happy o! cos Breezy be like weather wen dey change anyhow…
Some sabi aproko don carry tori come, say after beta six years wen singer Mariah Carey and Nick Cannon don dey married, now dem don dey near dat place wen husband and wife no go dey togeda agen! oyinbo go say na ‘divorce’.
Dis one na strate from Page Six
Mariah Carey and comedian Nick Cannon are headed for a split and “living separately” after she hired security to keep him away from other women, sources exclusively told Page Six.
Our sources tell us Carey and Cannon, the host of “America’s Got Talent,” are separating after six years of marriage. “He hasn’t been staying at their home,” one music insider tells Page Six. “He’s been living out of hotels. They’re fighting a lot.”
Another source told us Carey has suspected Cannon of cheating. And when the comic hosted pool parties in Las Vegas earlier this year, the diva dispatched a security guard to keep watch over her husband.
“The security guard wasn’t there to keep the girls away from him,” said our source. “It was to keep him away from the girls.”
Carey also didn’t want Cannon drinking while at the Vegas gigs because she felt he “gets in trouble when he drinks,” naso de aproko yarn.
Make una rush watch this music video of Nicki Minaj “Anaconda” wen everybody don dey stand wait for since, after she bin trowey some kain bad fotoz from inside de video earlier in de week.
Nicki Minaj don come finally unleash de confam origo music video to her Sir Mix-A-Lot-sampled banger “Anaconda”.
Na one baddo of music videos Colin Tilley, naim shoot dis sexual video wen dem use take dey advertise all de beta beta chop chop wen dey for Nicki Minaj body. i sabi say men go like dis video wella!
De video over bam, so make una download and enjoy video…
Pope Francis don comot yarn say he fit just sleep wake up one day yarn say he no do the pope agen like de way wen him before pope take do. Pope Benedict XVI bin do like dat last year, so anytin wen make am do like dat now so, e go make am be de second Pope wen go do like dat back to back for inside like 600 years. Oga popito yarn dis one yestaday wen be August 18th as he bin dey follow some sabi aproko people yarn as he dey come back to Rome from him waka go South Korea.
“Some theologians may say this is not right, but I think this way. Let us think about what [Benedict XVI] said, “I have gotten old, I do not have the strength”, it was a beautiful gesture of nobility, of humility and courage. But you could say to me, if you at some time felt you could not go forward, I would do the same.”
As dem com ask am say how him take see de way wen people take over sabi am for the whole world well well, de Pope, 77, com laff talk say he fit die anytime from now, so no be wetin person go dey jollificate dey dance shoki ontop.
“I know this will last a short time, two or three years, and then to the house of the Father.” naso he yarn.
Chelsea Oga Manaja Jose Mourinho don tok say hin dey hope say dia golkipa Petr Cech go stay for de club afta de sabi kipa bin chop bench for dia fes match of de new EPL seasin.
Na Cech don dey run tins for Chelsea tey tey but as Belgium kipa Thibaut Courtios show na so de guyman find seat siddon for bench.
De guyman don tey for Chelsea reach ten years now, win three EPL titul wit dem plus de 2012 Champions League but as Courtios come bak from hin lona wey hin go for Atletico Madrid, Cech no come find shirt again.
Now dey yawa be say tori don comot say e be like Cech go wan waka and Mourinho don tok say hin no want make dat one hapun.
As dem ask am weda na so e go be till seasin finish, Mourinho come yan say hin no like dat kain word becos hin no dey luk am like that.
“I no like dat kain word ‘for de res of seasin’. Na Courtios kip today and wetin hin don na I’m go start de nes match,”Mourinho yarn.
“If you get de kain kipas wey I get, you no go get shaking at all, if you no perform well, Cech dey to kolet your shirt.
” Me no get shaking, Chelsea sef no get. We get two ogbonge kipas for we team. “
Mourinho come later yarn say hin go wan make Petr Cech stay for de club becos de guyman no like de bench wey hin dey.
“I wan make Cech tanda for hia and na wetin me dey pray so,”hin tok.
“I don sabi Petr for ten years now. I no tink say hin go relax, hin no go siddon for chair tok say ‘I no get chance. Na de opposite of dat one hin go do.
“I dey expect am for training on Wednesday and make hin sef be like profeshunal take fight for hin shirt,”Mourinho add.
Luis Suarez don play hin fes match for Barcelona afta dem pay Liverpool 95 million euro for de guyman, as Barca bilala Mexico league club, Leon, 6-kondo for ‘play-play’ match on Monday nite.
Suarez no go fit tap beta ball for Barca till October, sake of say CAS (na Court of Arbitration for Sport be dat) no gree hear de begging way Barca dey beg, las week, say make dem reduce de four mont red card wey de bobo bin colet from Fifa, afta hin bite Italy defenda, Giorgio Chiellini for World Cup, enta match for Rafinha Alcantara, wen e remain 14 minit to finish.
Barca bin dey lead match 4-kondo dat time sha, afta Lionel Messi, Munir El Haddadi and Neymar (hin score two) score goal for dem.
Even tho Suarez too like gbege; hin don chop red card two tines, bicos hin bite pipu, plus England FA show am red card afta hin cuss Patrice Evra, Barca supportas still hail de guyman as hin enta match.
Neymar bin no too enjoy hin World Cup, bicos of hin back wey hin wound, and Messi sef, no go wan rememba hin own World Cup, sake of say Germany do dem strong tin, but na de two of dem start de whole gbege for Leon.
Messi fes score nodding, as match jus reach three minit, afta Neymar nasa ball give am, bifor Neymar hinsef score hin own.
Andres Iniesta play one helele thru pass give Neymar, and as Leon goalie rush out of post, Neymar jus hite am, score de ball.
Neymar come score hin second goal, as fes haf remain two minit to finish, as de guyman carri backie, score inside empty net.
Barca coachi come comot Neymar, put Munir (na jus 19 years hin be) inside match, afta haftime, but gbege no finish for Leon. Ivan Rakitic pass ball give Dani Alves, and Alves jus trow sweet pass give Munir. Dat one jus faya ball enta net to make am 4-kondo.
As Suarez come enta match, Munir wan show say hin be baller, carri ball, faya helele shot enta net, bifor Sandro add maggi, faya anoda helele shot enta net, to make scores 6-kondo, as match remain one minit to finish.
Kevin Hart don dey date him girlfriend Eniko Parrish reach five years now, naim yesterday he knack him baby the question for one kain private dinner with friends wen him organize. The man wen everybody sabi say he funny die, com post dis foto, write for under say…
She said YEEEEESSSSS…… #Happy #MyRib #iFuckingLoveHer
Eniko Parrish bin celebrate her 30th baiday for inside the weekend wen just pass so, so me i dey reason say na part of him birthday gift to am. Congratulobia to them!
Make una see hin baiday message for down…
Happy Birthday to the most amazing woman in the world. Today is your day babe & we are going to party like it’s 1999….I love you so much. I’m a better man because of you. P.S your old as shit now lmao #Dirty30 #HappyBday